ნატო და უკრაინა რუსეთის ავიაბაზებზე დარტყმების მიზნით იარაღის შესაქმნელად ემზადებიან, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.

„თავისი გაუაზრებელი და აგრესიული ქმედებებით უკრაინა-ნატო-ს ალიანსი რუს სამხედროებს დამატებით საფუძველს აძლევს, რომ მეტი ყურადღება გამოიჩინონ ნებისმიერი იმ საწარმოს მიმართ, რომელიც ჩვენი ქვეყნის წინააღმდეგ იარაღის შემუშავებასა და წარმოებაშია ჩართული“, - განაცხადა ზახაროვამ.

მისი თქმით, „კიევის რეჟიმი აძლიერებს მცდელობებს, რომ მისი დიდი ხნის სურვილი რეალობად აქციოს და ნატო რუსეთთან პირდაპირ შეიარაღებულ კონფლიქტში ჩაითრიოს“.

„საუბარია ისეთი შეიარაღების შექმნაზე, რომელიც განკუთვნილია რუსული აეროდრომებისა და ავიაბაზების განადგურებისა და მწყობრიდან გამოყვანისთვის, მათ შორის, ჩვენი ქვეყნის სიღრმეში“, - აღნიშნა ზახაროვამ.