ირანის პრეზიდენტის მასუდ პეზეშკიანის განცხადებით, ირანი შეასრულებს თავის ვალდებულებებს, თუ შეერთებული შტატებიც იგივეს გააკეთებს.

“ურთიერთგაგება ორმხრივი გზაა. თუ ამერიკული მხარე შეთანხმებას დაიცავს, ჩვენც შევასრულებთ ჩვენს ვალდებულებებს”, - წერს პეზეშკიანი X-ზე გამოქვეყნებულ პოსტში.

ამასთან, მისი თქმით, ირანი უყოყმანოდ და მტკიცედ დაიცავს თავს.

„ჩვენი მიდგომა უსაფუძვლო წუწუნისა და უსაფუძვლო მუქარის მიმართ ეფუძნება რაციონალურობას, ადამიანურ ღირსებას გადაწყვეტილების მიღებისას, ხოლო გადამწყვეტ და უყოყმანო დაცვას მოქმედებისას“, - აცხადებს პეზეშკიანი.