ლანძღვა-გინება, უხამსობა, ვერბალური თავდასხმა და შეურაცხყოფა არის ის, რაც ხელს უშლის საღ საზოგადოებრივ თუ პოლიტიკურ დისკუსიას. მნიშვნელოვანია, ქართულმა საზოგადოებამ გარედან აშენებული ბარიერი მოიცილოს და დაუბრუნდეს იმ დისკუსიის კულტურას, რომელიც ქართულ საზოგადოებას ახასიათებს, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

მისივე თქმით, ხელისუფლების მთავარი ამოცანა არის, რომ საზოგადოება, პოლიტიკური ცხოვრება დაუბრუნდეს ქართულ პოლიტიკურ კულტურას და გარედან თავსმოხვეული სიძულვილი იქნას შემცირებული.

„ჩვენი მთავარი ამოცანა არის, რომ საზოგადოება, ჩვენი პოლიტიკური ცხოვრება დაუბრუნდეს ქართულ პოლიტიკურ კულტურას და გარედან თავსმოხვეული სიძულვილი იქნას შემცირებული. მიზანი არის, რომ საზოგადოებას ჰქონდეთ შესაძლებლობა იყოს საღი საზოგადოებრივი და პოლიტიკური დისკუსიის მონაწილე. ლანძღვა-გინება, უხამსობა, ვერბალური თავდასხმა და შეურაცხყოფა არის ის, რაც ხელს უშლის საღ საზოგადოებრივ თუ პოლიტიკურ დისკუსიას, არის ბარიერი ამგვარი მსჯელობისთვის. ამიტომ, მნიშვნელოვანია, ქართულმა საზოგადოებამ გარედან აშენებული ბარიერი მოიცილოს და დაუბრუნდეს იმ დისკუსიის კულტურას, რომელიც ქართულ საზოგადოებას ახასიათებს. ჩვენ ვნახეთ, ვინ ეწინააღმდეგება ამ გზას - პირველები ესენი არიან უცხოეთიდან დაფინანსებული „ენჯეოები“ და უცხოური პოლიტიკური აგენტურა საქართველოში, რომელიც დემონსტრაციულად ეწინააღმდეგება იმას, რომ ლანძღვა-გინება და უხამსობა არ იყოს საზოგადოებრივ დისკუსიაში. იმუქრებიან სარჩელებით და ა.შ, რაც კიდევ ერთხელ ხაზს უსვამს, თუ ვინ იყო შემომტანი ამ უხამსი, ლანძღვა-გინებაზე დამკვიდრებული პოლიტიკური დისკუსიისა საქართველოში. ეს არის მთლიანად გარედან თავსმოხვეული და დაფინანსებული მიდგომები, რომლებიც აუცილებელია მოვიცილოთ“, – განაცხადა პაპუაშვილმა.