თამარ ჩერგოლეიშვილი - ივანიშვილს თავის სიცოცხლეში არ უცდია ჩვენთვის, „ბოკერიებისთვის“ რაიმე შეკვეთის მოცემა - ერთადერთი შეკვეთა, რისი მოცემაც სცადა თავად სააკაშვილმა, ეს მისი კერპად აღიარება და ღირებულებების ღალატი იყო!
ერთადერთი შეკვეთა, რისი მოცემაც სცადა თავად სააკაშვილმა, ეს მისი კერპად აღიარება და რაზეც გავიზარდეთ, იმ ღირებულებების ღალატი იყო! - ამის შესახებ “ფედერალისტების” ერთ-ერთი ლიდერი თამარ ჩერგოლეიშვილი სოციალურ ქსელში წერს და ოპოზიციის, მათ შორის “ფედერალისტების” ლიდერების მიმართ საქართველოს მესამე პრეზიდენტის, მიხეილ სააკაშვილის განცხადებას ეხმაურება.
მისი თქმით, ივანიშვილს მათთვის არასდროს უცდია რაიმე სახის შეკვეთის მიცემა, რადგან “მეტად ვერაგია, და ხვდება, რომ ტყუილად გაირჯება”.
“ცილისმწამებელი სააკაშვილი უკვე დადის და კიდევ ივლის იმ სიმართლით, რომ “ბოკერიები” რაიმე შეკვეთის შემსრულებლები ვართ.
ერთადერთი შეკვეთა, რისი მოცემაც სცადა თავად სააკაშვილმა, ეს მისი კერპად აღიარება და რაზეც გავიზარდეთ, იმ ღირებულებების ღალატი იყო!
ცხადია დაპანღურდა, როგორც ბოლო გოიმი.
ირონია იმაშია, რომ ივანიშვილს თავის სიცოცხლეში არ უცდია ჩვენთვის, “ბოკერიებისთვის” რაიმე შეკვეთის მოცემა - მეტად ვერაგია და ხვდება, რომ ტყუილად გაირჯება.
რასაც აქ ვწერ, ამ სიმართლით მინდა ვიარო მე, ჩემმა შვილებმა, ჩემმა შვილიშვილებმა და ჩემმა დიდმა ოჯახმა”, - წერს თამარ ჩერგოლეიშვილი.
ცნობისთვის, დღეს საქართველოს მესამე პრეზიდენტმა, მიხეილ სააკაშვილმა სოციალურ ქსელში განცხადება გაავრცელა, სადაც საქართველოში პოლიტიკური პროცესების მთავარ პრობლემებსა და ოპოზიციური პარტიების მდგომარეობაზე საუბრობს. „დღეს ინგა გრიგოლიას „რეაქციაში” პირველად გავა ვრცელი ინტერვიუ, რომელშიც ბევრ ახალს გაიგებთ და ასევე დეტალურად ვყვები ჩვენი ბრძოლის ჩემს ხედვას. ენის მოუჩლექავად აღვწერ დიდ საფრთხეებს, ასევე აქაურ პოლიტიკაზეც ვსაუბრობ.საქართველოში პოლიტიკური პროცესის მთავარი პრობლემაა, რომ ოპოზიციის დიდი ნაწილი, ნაწილობრივ დაემსგავსა „ქოცებს“, ვინაიდან, როგორც „ქოცებს“, მათაც აკლიათ გულწრფელობა, გამჭვირვალობა და იყენებენ ორმაგ სტანდარტებს. ამით აიხსნება ერთი პერიოდი, სრულიად მიუღებელი აღტყინება სალომე ზურაბიშვილით, რომელიც თავიდანვე პრეზიდენტად დაასახელეს იმ აქტიური კამპანიის გამო, რომელიც მან ევროპაში ჩაატარა, საქართველოს ომში დადანაშაულებით და რომლის პრეზიდენტად თავსმოხვევა მოხდა ძალადობით (რასაც შეეწირა ია კერზაია), მოსყიდვით, გაყალბებით.ასევე, დღეს ოპოზიციის ერთი ნაწილი რომ აცხადებს, რომ ერთიანობის ჩამშლელია „ნაცმოძრაობა“ და ჩემი გამონათქვამები. ე.ი. მათ ერთიანობას ივანიშვილის ქისებთან, გილაურებთან და ზოგადად საბანკო ოლიგარქებთან, ყველა შეკვეთის შემსრულებელ ბოკერიებთან, თურმე მე ვუშლი ხელს და ამიტომ ვერ უტევენ უფრო მკვეთრად დიქტატურას. სხვათა შორის, სიტყვა "დიქტატორის" გამოყენებასაც ვეღარ ბედავენ და ამიტომ მათ ისეთივე სურვილი აქვთ, როგორც ივანიშვილს და შეიძლება მეტიც კი, რომ გავჩუმდე, მაგრამ მე არ ვჩუმდები და ვიყენებ ყველა ხელმისაწვდომ ტრიბუნას მსოფლიოშიც და საქართველოშიც”, - აცხადებს სააკაშვილი.
