კატარში აშშ-სა და ირანს შორის მაღალი დონის შეხვედრა დაგეგმილი არ არის, - ამის შესახებ ინფორმაციას Reuters-ი კატარის საგარეო საქმეთა სამინისტროს პრესსპიკერზე დაყრდნობით ავრცელებს.

კატარის საგარეო საქმეთა სამინისტროს პრესსპიკერის, მაჯედ ალ ანსარის ცნობით, აშშ-ის პრეზიდენტის დონალდ ტრამპის სპეციალური წარმომადგენლები სტივ უიტკოფი და ჯარედ კუშნერი დღეს დოჰაში ჩავლენ.

მაჯედ ალ ანსარის თქმით, უიტკოფი და კუშნერი კატარის წარმომადგენლებს შეხვდებიან და ირანთან გაფორმებული ურთიერთგაგების მემორანდუმის განხორციელების საკითხს განიხილავენ.

ცნობისთვის, მანამდე დონალდ ტრამპმა სოციალურ ქსელში გამოაცხადა, რომ აშშ-ისა და ირანის წარმომადგენლები სამშაბათს დოჰაში შეხვედრას გამართავდნენ. მოგვიანებით, ირანის საგარეო საქმეთა სამინისტროს წარმომადგენელმა განაცხადა, რომ უახლოეს დღეებში აშშ-თან მოლაპარაკებები დაგეგმილი არ არის.