ევროკომისიამ უკრაინისთვის დრონების შესაძენად 3.9 მილიარდი ევროს ოდენობის პირველი ტრანში გამოყო. ამის შესახებ ინფორმაციას უკრაინის თავდაცვის სამინისტრო ავრცელებს.

“ევროკომისიამ პირველი 3.9 მილიარდი ევრო გამოყო დრონების შესაძენად უკრაინის თავდაცვის ძალების საჭიროებებისთვის. ეს პირველი ტრანშია 6 მილიარდი ევროს ოდენობის თავდაცვითი პაკეტის ფარგლებში, რომელიც დრონების შეძენის მხარდასაჭერად იქნა დამტკიცებული”, - ნათქვამია განცხადებაში.

დაფინანსება Ukraine Support Loan ევროპული მექანიზმის ფარგლებში ხორციელდება, რომელიც 90 მილიარდ ევროს შეადგენს 2026-2027 წლების განმავლობაში. ამ თანხიდან 30 მილიარდი ევრო საბიუჯეტო დახმარებისთვის იქნება გამოყოფილი, ხოლო 60 მილიარდი ევრო - თავდაცვითი დახმარებისთვის.