კატარის საგარეო საქმეთა სამინისტროს განცხადებით, ქვეყნის პრემიერ-მინისტრი და საგარეო საქმეთა მინისტრი შეიხ მოჰამედ ბინ აბდულრაჰმან ბინ ჯასიმ ალ ტანი აშშ-ის პრეზიდენტის სპეციალურ წარმომადგენლებს, სტივ უიტკოფსა და ჯარედ კუშნერს შეხვდა, რათა აშშ-ირანის მიმდინარე მოლაპარაკებები და რეგიონული მოვლენები განეხილათ, - ინფორმაციას CNN-ი ავრცელებს.

სამინისტროს ინფორმაციით, შეხვედრაზე განიხილეს შეერთებულ შტატებსა და ირანს შორის ურთიერთგაგების მემორანდუმის ფარგლებში მიმდინარე მოლაპარაკებებში ბოლო დროს განვითარებული მოვლენები, ასევე დიალოგისა და დიპლომატიის გზით რეგიონში უსაფრთხოებისა და სტაბილურობის გაძლიერების მცდელობები.

სამინისტროს ცნობით, შეხვედრაზე ასევე განიხილეს ლიბანში ცეცხლის შეწყვეტის საკითხი „და ხაზი გაუსვეს მისი სტაბილიზაციისა და მასზე დაყრდნობის მნიშვნელობას ლიბანის ერთიანობის, სუვერენიტეტისა და სტაბილურობის შესანარჩუნებლად“.

კატარის საგარეო საქმეთა მინისტრმა კიდევ ერთხელ დაადასტურა დოჰას მზადყოფნა შუამავლობა გააგრძელოს და მხარი დაუჭიროს დიალოგს აშშ-ირანის ურთიერთგაგების მემორანდუმიდან გამომდინარე.