უკრაინამ ნიჟნი-ნოვგოროდის ოლქში ნავთობგადამამუშავებელ ქარხანას დაარტყა, - ინფორმაციას უკრაინული მედია ავრცელებს.

უკრაინის შეიარაღებული ძალების გენერალური შტაბის ცნობით, ღამით დარტყმა ნიჟნი-ნოვგოროდის ოლქის ქალაქ ქსტოვოში მდებარე „ლუკოილის“ ნავთობგადამამუშავებელ ქარხანაზე განხორციელდა.

დარტყმის შედეგად ნავთობგადამამუშავებელი ქარხნის ტერიტორიაზე ხანძარი გაჩნდა.

უკრაინის გენშტაბის ინფორმაციით, ქარხანა ბენზინს, დიზელს, საავიაციო საწვავს და საპოხ მასალას აწარმოებს, რომელსაც რუსეთის შეიარაღებული ძალები მოიხმარს.