ქართული საზოგადოების უდიდესი ნაწილი კვლავ ევროკავშირის წევრობას უჭერს მხარს. ეს ჩვენი ხალხში დემოკრატიული არჩევანია. ეს ჩვენი ქვეყნის კონსტიტუციური არჩევანია. დარწმუნებულ ვარ , რომ EPP ( კვლავ დაუჭერს მხარს საქართველოს , - ამის შესახებ „ევროპული საქართველოს“ ერთ-ერთმა ლიდერმა, გიგი წერეთელმა ევროპის სახალხო პარტიის (EPP) პოლიტიკურ ასამბლეაზე სიტყვით გამოსვლისას განაცხადა.

გარდა ამისა, გიგი წერეთელი ასამბლეაზე სიტყვით გამოსვლისას შეეხო საქართველოში არსებულ პოლიტიკურ ვითარებას, განსაკუთრებული ყურადღება გაამახვილა „კოალიცია ცვლილებისთვის“ ლიდერის, ელენე ხოშტარიას ჯანმრთელობის მდგომარეობაა.

“პოლიტიზებულმა მართლმსაჯულებამ ბევრი პოლიტიკური ლიდერი ციხეში გამოკეტა. ზოგი ჯერ კიდევ ელოდება განმეორებით განაჩენს. ბოლო დღეებში ჩვენ განსაკუთრებული შეშფოთებულნი ვართ ჩემი კოლეგის და მეგობრის ელენე ხოშტარიას, ოთხი შვილის დედისა და დემოკრატიული ოპოზიციის ერთ-ერთი ლიდერის ჯანმრთელობის მდგომარეობით. ის კვლავ რჩება ციხეში საარჩევნო ბანერზე გაკეთებული წარწერის გამო. მისთვის სათანადო სამედიცინო დახმარებაზე წვდომაც კი საბრძოლველი გახდა. ჩვენ გვესმის, რომ დემოკრატიული ცვლილებების პასუხისმგებლობა ქართველ ხალხს ეკუთვნის. საზოგადოებამ და ჩვენმა ხალხმა განსაკუთრებული სიმამაცე გამოავლინა. ორ წელზე მეტია, ათასობით მოქალაქე ყოველდღიურად, მშვიდობიანად აპროტესტებს და ითხოვს თავისუფალ და სამართლიან არჩევნებს.

ქართული საზოგადოების უდიდესი ნაწილი კვლავ ევროკავშირის წევრობას უჭერს მხარს. ეს ჩვენი ხალხში დემოკრატიული არჩევანია. ეს ჩვენი ქვეყნის კონსტიტუციური არჩევანია. დარწმუნებულ ვარ , რომ EPP კვლავ დაუჭერს მხარს საქართველოს. განაგრძობს იმ ადამიანების მხარდაჭერას, რომლებიც იცავენ დემოკრატიას, თავისუფლებას და კანონის უზენაესობას. გულწრფელად ვიმედოვნებ, რომ ჩემი ქვეყანა დაუბრუნდება ევროპულ გზას“, - განაცხადა წერეთელმა.