მჯერა, რომ საქართველო-გერმანიის ურთიერთობა გაუძლებს ხელოვნურად შექმნილ ნარატივს, თითქოს გერმანია ან ევროკავშირი საქართველოს მიმართ მტრულად არიან განწყობილნი,- ამის შესახებ საქართველოში გერმანიის ყოფილი ელჩი პეტერ ფიშერი სოციალურ ქსელში წერს.

ამასთან, ის „ევროპულ-ქართული ინსტიტუტის“ ხელმძღვანელს გიორგი მელაშვილს მის შესახებ გამოქვეყნებული სტატიისთვის მადლობას უხდის.

„მადლობა გიორგი მელაშვილს სტატიისთვის, რომელიც გვახსენებს გერმანიასა და საქართველოს შორის ხანგრძლივ პარტნიორობასა და მეგობრობას. მეც მჯერა, რომ ეს ურთიერთობა გაუძლებს ხელოვნურად შექმნილ ნარატივს, თითქოს გერმანია ან ევროკავშირი საქართველოს მიმართ მტრულად არიან განწყობილნი, ისევე როგორც გერმანელი და ევროკავშირის დიპლომატების წინააღმდეგ ხელოვნურად შექმნილ აღშფოთებას”,- წერს ფიშერი.