„ლელო-ძლიერი საქართველოს“ საგარეო მდივანი, გრიგოლ გეგელია ესტონეთის პრემიერ-მინისტრს, კრისტენ მიხალს შეხვდა. „ლელო-ძლიერი საქართველოს“ ინფორმაციით, გეგელიამ შეხვედრისას ესტონელ პრემიერს მადლობა გადაუხადა საქართველოსა და ქართველი ხალხისადმი გამოჩენილი მხარდაჭერისთვის.

„ესტონეთი ისტორიულად წარმოადგენს ჩვენი ქვეყნის ერთ - ერთ ყველაზე მტკიცე და ახლო მოკავშირეს. საერთო ისტორიული გამოცდილება და ფასეულობები წარმოადგენს ჩვენს ორ ერს შორის თანამშრომლობის და ურთიერთპატივისცემაზე დაფუძნებული პარტნიორობის მყარ საფუძველს. სამწუხაროდ, დღეს ქართულ-ესტონური ურთიერთობა კრიზისულ ფაზაშია პრო-რუსული რეჟიმის პოლიტიკის გამო. ეს არ არის შემთხვევითობა. ეს რუსული ლოგიკის ნაწილია. მაგრამ, სულ მალე, საქართველოს ახალი მთავრობა აღადგენს ნამდვილ მეგობრობას და პარტნიორობას ჩვენი ერის ყველაზე ახლო და მტკიცე მეგობრებთან. საქართველო აუცილებლად დაბრუნდება მაგიდასთან“, - განაცხადა გეგლიამ.

„ვენაში მიმდინარე ALDE-ს ყრილობის ფარგლებში, რომელსაც გრიგოლ გეგელია და თაზო დათუნაშვილი ესწრებიან, "ლელოს" ლიდერები ხვდებიან ევროკავშირის წევრი სახელმწიფოების სხვადასხვა პარტიის წარმომადგენლებს“, - ნათქვამია ინფორმაციაში.