უკრაინის დედაქალაქ კიევში რუსეთის თავდასხმის შედეგად დაღუპულთა რაოდენობა 11-მდე გაიზარდა, დაშავებულია 46 ადამიანი, მათ შორის ორი ბავშვი, - ინფორმაციას უკრაინული მედია ავრცელებს.

მათივე ინფორმაციით, თავდასხმის შედეგად დაზიანდა და განადგურდა სულ მცირე 15 საცხოვრებელი შენობა.

დარტყმებისა და ჩამოვარდნილი ნამსხვრევების ეპიცენტრი კიევის დარნიცკის და პოდოლსკის რაიონები იყო, ხოლო დაზიანება ასევე დაფიქსირდა ჰოლოსიევსკის და ობოლონსკის რაიონებში. პოდოლსკის რაიონში შენობის მე-5-დან მე-9 სართულამდე ბინები დაინგრა. პოდოლსკის რაიონში დაინგრა ბინები ცხრასართულიანი კორპუსის მე-5-დან მე-9 სართულამდე.

დარნიცკის რაიონში ხანძარი გაჩნდა, რის შედეგადაც 25-სართულიანი შენობის მეორედან მეხუთე სართულამდე მდებარე ბინები განადგურდა. რაკეტის ნამსხვრევების ჩამოვარდნის შედეგად დაიწვა სხვა კომპლექსის 30-სართულიან შენობაში მდებარე ბინებიც.

მაშველების ცნობით, რომ პოდოლსკის რაიონში ცხრასართულიან შენობაში გაჩენილი ხანძრის ადგილზე სამუშაოები გრძელდება. მაშველები გადარჩენილებს ეძებენ.