თამარ ბერუჩაშვილი რუმინეთში საქართველოს საგანგებო და სრულუფლებიანი ელჩის თანამდებობიდან გათავისუფლდა.

მთავრობამ ამის თაობაზე განკარგულება უკვე გამოსცა და ელჩის გათავისუფლების წარდგინებით პრეზიდენტს მიმართა.

მთავრობის განკარგულებაში თამარ ბერუჩაშვილის რუმინეთში საქართველოს საგანგებო და სრულუფლებიაწი ელჩის თანამდებობიდან გათავისუფლების მიზეზად დასახელებულია მისი სხვა სამსახურში გადასვლა.

თამარ ბერუჩაშვილი სხვადასხვა დროს საქართველოს საგარეო საქმეთა მინისტრისა და მინისტრის მოადგილის პოზიციებს იკავებდა, იყო ევროპულ და ევროატლანტიკური ინტეგრაციის საკითხებში სახელმწიფო მინისტრი.

თამარ ბერუჩაშვილი ასევე იკავებდა დიდ ბრიტანეთსა და ჩრდილოეთ ირლანდიის გაერთიანებულ სამეფოში საქართველოს საგანგებო და სრულუფლებიანი ელჩის, ასევე შავი ზღვის საკითხებში საგანგებო დავალებათა ელჩის პოზიციებს.