უკრაინა ბრძოლის ველზე დინამიკას ცვლის, - ამის შესახებ ნატო-ს გენერალურმა მდივანმა, მარკ რუტემ ანკარაში, ნატო-ს სამიტის წინ გამართულ პრესკონფერენციაზე განაცხადა.

„ჩვენ საკუთარ უსაფრთხოებაში ინვესტიციებს ვდებთ, რათა გვქონდეს ყველაფერი ის, რაც გვჭირდება ჩვენი საზოგადოებების დასაცავად, რადგან ჩვენ წინაშე არსებული საფრთხეები რეალურია, მათ შორის რუსეთიდან წამოსული საფრთხე, რომელიც უკრაინის წინააღმდეგ ომს აგრძელებს. ახლა, უკრაინა საბრძოლო ველზე დინამიკას ცვლის, მაგრამ მათ ჩვენი მხარდაჭერის გაგრძელება სჭირდებათ, განსაკუთრებით საჰაერო თავდაცვის თვალსაზრისით“, - განაცხადა მარკ რუტემ.

მისი თქმით, უკრაინის მხარდაჭერის გასაგრძელებლად თავისი წვლილი ნატო-ს ყველა მოკავშირემ უნდა შეიტანოს.

ასევე, რუტეს განცხადებით, ნატო ტრანსფორმაციას განიცდის.

„ბოლო ერთი წლის განმავლობაში ჩვენი ევროპელი პარტნიორები და კანადა თავდაცვასა და უსაფრთხოებაზე უკვე მშპ-ს 4%-ს ხარჯავენ. ჩვენ წლების განმავლობაში არასაკმარისი დაფინანსების გამოყოფის შემდეგ, რეალურ თავდაცვით შესაძლებლობებს ვაშენებთ“, - აღნიშნა ნატო-ს გენერალურმა მდივანმა.