ირანის ისლამური რესპუბლიკის შეიარაღებული ძალები აშშ-ის აგრესიასა და ტერორისტულ ქმედებებს გამანადგურებელ პასუხს გასცემს, - CNN-ის ინფორმაციით, ამის შესახებ ირანის ერთობლივი სარდლობის, ხათამ ალ-ანბიას ცენტრალური შტაბბინის განცხადებაშია აღნიშნული.

სარდლობაში აცხადებენ, რომ „არავითარ შემთხვევაში არ დაუშვებენ ჩარევას ჰორმუზის სრუტის საქმეებში ან მართვაში“ და რომ ჰორმუზის სრუტეში მოძრავი გემებისთვის ერთადერთი უსაფრთხო გასასვლელი ირანის მიერ განსაზღვრული მარშრუტებია.

შეგახსენებთ, აშშ-მა ირანის მასშტაბით ათობით სამიზნეს დაარტყა და ირანულ ნავთობზე სანქციები განაახლა. აშშ-ში აცხადებენ, რომ ეს ნაბიჯები ირანის მიერ ჰორმუზის სრუტესთან ახლოს მოძრავ სავაჭრო გემებზე განხორციელებული თავდასხმების საპასუხოდ გადადგეს.