პოლონეთის საგარეო საქმეთა მინისტრი ვლადიმერ პუტინს - ვიცით, რას აპირებთ, ნუ გააკეთებთ ამას
პოლონეთის საგარეო საქმეთა მინისტრის რადოსლავ სიკორსკის განცხადებით, რუსეთი მისი ქვეყნის წინააღმდეგ ჰიბრიდულ ომს წლების განმავლობაში აწარმოებს.
„რუსეთი წლების განმავლობაში აწარმოებს ჩვენ წინააღმდეგ ჰიბრიდულ ომს. დასავლეთი ამას არ აღიარებდა, ვფიქრობ, ახლა ყველა ვაღიარებთ“, - განაცხადა სიკორსკიმ.
მისი თქმით, რუსეთის ქმედებები მოიცავს განზრახ მოწყობილ ხანძრებს, მკვლელობებს და ქვეყნის პოლიტიკაში ჩარევას.
„ეს გამოიხატება განზრახ მოწყობილ ხანძრებში, მკვლელობებში, ჩვენს პოლიტიკაში ჩარევაში, მასშტაბურ დეზინფორმაციასა და სახელმწიფო ტერორიზმში“, - აღნიშნა სიკორსკიმ.
რადოსლავ სიკორსკის კომენტარი შეეხებოდა CNN-ის მიერ ადრე გავრცელებულ ინფორმაციას, რომლის თანახმად, შეერთებულმა შტატებმა პოლონეთი გააფრთხილა, რომ რუსეთის პრეზიდენტმა ვლადიმერ პუტინმა, შესაძლოა, ევროპაზე თავდასხმის გადაწყვეტილება მიიღოს - შეზღუდული ფორმით, შესაძლოა, დრონებით ან ჰიბრიდული ომის სხვა ფორმით.
„რაც არ უნდა იყოს ეს, ჩვენი გზავნილი ვლადიმირ პუტინის მიმართ ასეთია: ვიცით, რას აპირებთ. ნუ გააკეთებთ ამას“, - განაცხადა პოლონეთის საგარეო უწყების ხელმძღვანელმა.
