ვოლოდიმირ ზელენსკისთან შეხვედრაზე ისტორიული საკითხების მოგვარება ვერ მოხერხდა, - ამის შესახებ პოლონეთის პრეზიდენტმა, კაროლ ნავროცკიმ ანკარაში უკრაინელ კოლეგასთან, ვოლოდიმირ ზელენსკისთან შეხვედრის შემდეგ განაცხადა.

„ჩემთვის „უპა“-სთან დაკავშირებული საკითხები განხილვას არ ექვემდებარება. ისტორიული საკითხების მოგვარება ვერ შევძელით, თუმცა არ გვქონდა იმის მოლოდინი, რომ ყველა საკითხის მოგვარებას შევძლებდით“, - განაცხადა პოლონეთის პრეზიდენტმა.

მისი თქმით, „ისტორიული უთანხმოებების მიუხედავად, პოლონეთმა და უკრაინამ პასუხისმგებლობა უნდა აიღონ იმაზე, რაც რუსეთის შეჭრასთან დაკავშირებით ხდება“.

„კარგია, რომ შეხვედრა შედგა. უკრაინის პრეზიდენტთან ერთად განვიხილეთ, თუ როგორი უნდა იყოს პოლონეთსა და უკრაინას შორის თანამშრომლობა“, - აღნიშნა ნავროცკიმ.