ვენესუელაში მიწისძვრის შედეგად დაღუპულთა რიცხვი 3800-ს აჭარბებს, - ინფორმაციას Reuters-ი ავრცელებს.

ვენესუელის ეროვნული ასამბლეის პრეზიდენტის, ხორხე როდრიგესის ცნობით, 24 ივნისს მომხდარი მიწისძვრის შედეგად დაღუპულთა რიცხვი 3811-ს აღწევს, ხოლო დაშავებულთა რიცხვი 16740-ს.

ვენესუელის პრეზიდენტის მოვალეობის შემსრულებელმა, დელსი როდრიგესმა საერთაშორისო საზოგადოებას სანქციების მოხსნისკენ და გაყინული აქტივების განბლოკვისკენ მოუწოდა.

„ვენესუელას მთელი მსოფლიოს მასშტაბით აქვს დაბლოკილი რესურსები, რომელთაც შეუძლიათ რეკონსტრუქციის ამ პროცესს ხელი შეუწყონ“, - განაცხადა დელსი როდრიგესმა.

შეგახსენებთ, ვენესუელაში ზედიზედ ორი ძლიერი მიწისძვრა მოხდა. პირველი, 7.2 მაგნიტუდის სიმძლავრის მიწისძვრა კარაკასის დასავლეთით დაფიქსირდა, ხოლო მას სულ რაღაც 39 წამის შემდეგ უფრო ძლიერი მიწისძვრა მოჰყვა, რომლის სიმძლავრემ 7.5 მაგნიტუდა შეადგინა.