რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე თურქეთის რესპუბლიკის საგანგებო და სრულუფლებიან ელჩს საქართველოში, მუსტაფა თურქერ არის შეხვდა. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

როგორც გავრცელებულ ინფორმაციაშია ნათქვამი, შეხვედრას თურქეთის რესპუბლიკის რელიგიის ატაშე, მაჰმუთ გოლი ესწრებოდა.

„საქართველოს მთავრობის ადმინისტრაციაში გამართულ შეხვედრაზე, ზაზა ვაშაყმაძემ სტუმარს გააცნო რელიგიის საკითხთა სახელმწიფო სააგენტოს საქმიანობა, ისაუბრა რელიგიური უმცირესობების, მათ შორის, საქართველოს მუსლიმი თემის უფლებების დაცვის, ფინანსური მხარდაჭერის გაზრდის, საკულტო ნაგებობებთან შეუფერხებელი წვდომის საკითხებზე, ყურადღება გაამახვილა ოკუპირებულ ტერიტორიებზე რელიგიური უფლებების დარღვევის ფაქტებზე. შეხვედრას ესწრებოდა თურქეთის რესპუბლიკის რელიგიის ატაშე, მაჰმუთ გოლი.

თურქეთის ელჩმა მადლობა გადაუხადეს რელიგიის სააგენტოს თავმჯდომარეს მასპინძლობისთვის და საინტერესო ინფორმაციის მიწოდებისთვის”, - ნათქვამია ინფორმაციაში.