უკრაინის უპილოტო სისტემების ძალებმა შავ და აზოვის ზღვებში რუსეთის 13 გემს შეუტიეს
უკრაინის უპილოტო სისტემების ძალებმა შავ და აზოვის ზღვებში რუსეთის 13 გემს შეუტიეს, - ამის შესახებ უკრაინის უპილოტო სისტემების ძალების მეთაურმა, რობერტ „მადიარ“ ბროვდიმ განაცხადა.
რობერტ „მადიარის“ განცხადებით, რუსულ გემებზე დარტყმები ბოლო 48 საათის განმავლობაში განხორციელდა.
უკრაინის უპილოტო სისტემების ძალების მიერ დაზიანებულ გემებს შორის ერთი ტანკერი, 10 ტვირთმზიდი ხომალდი და ორი საბუქსირე გემია.
„მადიარის“ ცნობით, შავ და აზოვის ზღვებში მიმდინარე ოპერაციების ფარგლებში უკრაინულმა ძალებმა იერიში 196 გემზე მიიტანეს.
