ისრაელი და ლიბანი რომში 4 აგვისტოს მოლაპარაკებებს გამართავენ, - ამის შესახებ The times of Israel წერს.

იტალიის საგარეო საქმეთა მინისტრმა, ანტონიო ტაიანმა პარლამენტს განუცხადა, რომ 4 აგვისტოს, რომი ისრაელსა და ლიბანს შორის პირდაპირი მოლაპარაკებების მე-7 რაუნდს უმასპინძლებს.

ისრაელის მთავრობის ოფიციალურ პირებს თარიღი, ჯერჯერობით, არ დაუდასტურებიათ.

გასულ კვირას რომში გამართული მოლაპარაკებების წინა რაუნდის შემდეგ, ისრაელის თავდაცვის ძალებმა სამხრეთ ლიბანის საპილოტე ზონებიდან გასვლა დაიწყეს, რათა ამ ტერიტორიებზე კონტროლი ლიბანის შეიარაღებულ ძალებს გადაებარებინათ.