უკრაინის პრეზიდენტი ვოლოდიმირ ზელენსკი აშშ-ში ვიზიტს გეგმავს, სადაც სენატორ ლინდსი გრემის დაკრძალვას დაესწრება და ორმხრივ შეხვედრას გამართავს დონალდ ტრამპთან. ამის შესახებ ინფორმაციას უკრაინული გამოცემა „სუსპილნე” თავის წყაროებზე დაყრდნობით ავრცელებს.

როგორც აღინიშნება, ზელენსკიმ სენატორ გრემის დაკრძალვის ცერემონიაზე მიიღო მიწვევა.

ვიზიტის საბოლოო გეგმა - შეხვედრებისა და მონაწილეების სიით - ასევე მისი ხანგრძლივობა ამ მომენტისთვის დადასტურებული არ არის.

წყაროების ცნობით, ამ მომენტისთვის განიხილება იმის საკითხი თუ ვინ უძელმძღვანელებს უკრაინულ დელეგაციას იმ შემთხვევაში თუ უკრაინის პრეზიდენტი ვერ შეძლებს დაგეგმილ ღონისძიებებში მონაწილეობას.