ირლანდიის პრემიერ-მინისტრი კიევში ჩავიდა, - ინფორმაციას გამოცემა Irish Examiner-ი ავრცელებს.

ირლანდიის პრემიერ-მინისტრი მაიკლ მარტინი კიევში ვიზიტის ფარგლებში უკრაინის პრეზიდენტ ვოლოდიმირ ზელენსკისთან მოლაპარაკებებს გამართავს.

ასევე, მარტინი უკრაინის უმაღლესი რადას თავმჯდომარეს რუსლან სტეფანჩუკს შეხვდება და მასთან უკრაინის ევროკავშირში გაწევრიანების მოლაპარაკებების საკითხს განიხილავს.

მარტინმა კიევში ჩასვლამდე განაცხადა, რომ ვიზიტისას „უკრაინის მთავრობისა და უკრაინელი ხალხის მიმართ ევროკავშირისა და ირლანდიის სოლიდარობას დაადასტურებს“.

„უკრაინის მხარდაჭერა ევროკავშირის საბჭოს ირლანდიის თავმჯდომარეობის ცენტრალური პრიორიტეტია. ეს ვიზიტი იმის შესაძლებლობას იძლევა, რომ პრეზიდენტ ზელენსკისგან და პრემიერ-მინისტრ კორეცკისგან ადგილზე არსებული ვითარებისა და უკრაინის საჭიროებების შესახებ პირადად მოვისმინოთ“, - აღნიშნა ირლანდიის პრემიერ-მინისტრმა.