ირანის შეიარაღებული ძალების განცხადებით, დღეს დილით ბაჰრეინის შეიხ ისას საჰაერო ბაზასა და იორდანიის ალ-აზრაკის საჰაერო ბაზაზე აშშ-ის ობიექტებისკენ თავდასხმის დრონები გაუშვეს, - ინფორმაციას CNN-ი ირანულ მედიაზე დაყრდნობით ავრცელებს.

სახელმწიფო მაუწყებლის IRIB-ის მიერ გამოქვეყნებულ ვიდეოში ჩანს, როგორ მოძრაობენ დრონები ბაჰრეინისა და იორდანიის მიმართულებით. თუმცა, გაურკვეველია, როდის ან სად არის გადაღებული ვიდეო.

დღეს დილით ბაჰრეინის შინაგან საქმეთა სამინისტრომ განაცხადა, რომ სირენები ჩაირთო და მოსახლეობას უსაფრთხოებისკენ მოუწოდეს.