გაერო-ს გენერალური მდივანი, ანტონიო გუტერეში სირიაში ჩავიდა, - ინფორმაციას Reuters-ი ავრცელებს.

ანტონიო გუტერეში დამასკოში სირიის პრეზიდენტ აჰმედ ალ შარაას შეხვდა.

„გაერთიანებული ერების ორგანიზაცია ამ მნიშვნელოვან მომენტში სირიის გვერდით დგას. მოვუწოდებ საერთაშორისო საზოგადოებას, რომ სირიელი ხალხის მხარდასაჭერად ძალისხმევა არ დაიშუროს“, - წერს ანტონიო გუტერეში სოციალურ ქსელში.

ცნობისთვის, ეს 2009 წლის შემდეგ სირიაში გაერო-ს გენერალური მდივნის პირველი ვიზიტია.