ზესტაფონი-ქუთაისის გზაზე მომხდარი ავტოსაგზაო შემთხვევის შედეგად 13 ადამიანი დაშავდა.

ისინი სასწრაფო სამედიცინო დახმარების ჯგუფებმა კლინიკებში გადაიყვანეს და მათ შესაბამისი სამედიცინო დახმარება უტარდებათ.

არსებული ინფორმაციით, ისინი ტურისტები არიან და თბილისიდან დასავლეთის მიმართულებით მიემგზავრებოდნენ. შემთხვევა სოფელ არგვეთასთან რამდენიმე საათის წინ მოხდა. სამგზავრო ავტობუსი გზიდან გადავარდა.

ავტოსაგზაო შემთხვევის შედეგად დაშავებულები ზესტაფონის ორ სამედიცინო დაწესებულებაში – „ფერომედსა" და „ჯეო ჰოსპიტალსში" გადაიყვანეს.

მათ შესაბამისი სამედიცინო დახმარება გაეწიათ. „ფერომედის“ ინფორმაციით, კლინიკაში ექვსი პაციენტია მოთავსებული. მათგან ერთ მამაკაცს მძიმე დაზიანებების გამო გადაუდებელი ქირურგიული ოპერაცია ჩაუტარდა. დანარჩენ დაშავებულებს შესაბამისი სამედიცინო დახმარება უტარდებათ. დაშავებულები ტურისტები არიან. ავტოსაგზაო შემთხვევა ქუთაისი-ზესტაფონის გზაზე მოხდა. სამგზავრო ავტობუსი გზიდან გადავარდა. მიზეზი ამ დროისთვის უცნობია. მომხდარზე მიმდინარეობს მოკვლევა.