საქართველოს საზოგადოებრივი მაუწყებლის გენერალური დირექტორის პოზიციაზე მხოლოდ ერთმა კანდიდატმა, თინათინ ბერძენიშვილმა შეიტანა განცხადება.

აღნიშნული ინფორმაცია საქართველოს საზოგადოებრივი მაუწყებლის სამეურვეო საბჭოს სხდომაზე გაჟღერდა.

ბორდის წევრებმა მხარი დაუჭირეს თინათინ ბერძენიშვილის კანდიდატურის მეორე ტურში გადასვლას. წინააღმდეგი მხოლოდ ერთი სხდომის მონაწილე, ლაშა ტუღუში იყო.

საკანონმდებლო ნორმის მიხედვით, საზოგადოებრივი მაუწყებლის გენერალურ დირექტორს, თანამდებობაზე სამეურვეო საბჭო ღია კონკურსის წესით, 6 წლის ვადით ნიშნავს. თინათინ ბერძენიშვილი კი საზოგადოებრივი მაუწყებლის გენერალურ დირექტორად 2020 წლის 25 სექტემბერს, 6 წლის ვადით აირჩიეს, შესაბამისად მისი უფლებამოსილების ვადა 2026 წლის 25 სექტემბრამდეა.