ისრაელის პრემიერ-მინისტრის, ბენიამინ ნეთანიაჰუს განცხადებით, დონალდ ტრამპთან შეხვედრაზე ირანის საკითხს განიხილავს.

ისრაელის პრემიერ-მინისტრი ბენიამინ ნეთანიაჰუ ვაშინგტონში გაემგზავრა, სადაც ხვალ აშშ-ის პრეზიდენტ დონალდ ტრამპთან მოლაპარაკებებს გამართავს.

„ჩვენ განვიხილავთ დღის წესრიგში არსებულ ყველა საკითხს, პირველ რიგში კი ირანს. რა თქმა უნდა, ჩვენი მიზანი ჩვენი უსაფრთხოების დაცვა და ასევე ჩვენს გარშემო მშვიდობის ზონის გაფართოებაა“, - განაცხადა ნეთანიაჰუმ აშშ-ში გამგზავრებამდე.

ცნობისთვის, ეს ბენიამინ ნეთანიაჰუსა და დონალდ ტრამპის პირველი შეხვედრაა მას შემდეგ, რაც თებერვალში აშშ-მა და ისრაელმა ირანის წინააღმდეგ ერთობლივი სამხედრო მოქმედებები დაიწყეს.