აქციის მონაწილეებმა, რომლებიც თბილისის საკრებულოსთან იყვნენ შეკრებილები, მსვლელობით პარლამენტის შენობასთან გადაინაცვლეს.

საკრებულოსთან გამართული აქცია სოლიდარობის ნიშნად გაიმართა იმ პირების მხარდასაჭერად, რომლებიც პოლიციამ 26 ივლისს დააკავა.

აქციის მიმდინარეობისას პოლიციამ დღესაც დააკავა ერთ-ერთი დემონსტრანტი. არსებული ინფორმაციით, დაკავების მიზეზი ბანერზე განთავსებული წარწერა გახდა, რომელიც მას ხელში ეჭირა.

ცნობისთვის, 10 პირი დააკავეს თბილისის საკრებულოსთან, გუშინ, 26 ივლისს. შსს-ს ცნობით, დაკავებულებს ,,შეურაცხმყოფელი შინაარსის ბანერები ეჭირათ ხელში”. ისინი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და სამართალდამცავებისთვის წინააღმდეგობის გაწევას გულისხმობს.