ბათუმში ლოზუნგით: „თავისუფლება რეჟიმის ტყვეებს“ საპროტესტო აქცია გაიმართა
ბათუმში, აჭარის მთავრობის სახლთან, ლოზუნგით – „სოლიდარობა, თავისუფლება რეჟიმის ტყვეებს“ –საპროტესტო აქცია გაიმართა.
აქციის მონაწილეებმა საქართველოსა და ევროკავშირის დროშები, ასევე სხვადასხვა შინაარსის ტრანსპარანტები გამოფინეს.
მათი განცხადებით, მთავარი მოთხოვნები ხელისუფლების შეცვლა, ახალი საპარლამენტო არჩევნების დანიშვნა და სხვადასხვა საპროტესტო აქციის ფარგლებში დაკავებული მოქალაქეების გათავისუფლებაა.
აქციის მონაწილეები მიიჩნევენ, რომ საქართველოს „ხელისუფლება პრორუსულ ინტერესებს ატარებს“.
აქცია მშვიდ ვითარებაში მიმდინარეობდა.
