ფინეთმა დრონების საფრთხის გამო რუსეთთან ახლოს საჰაერო და საზღვაო სივრცის გამოყენებაზე შეზღუდვები დააწესა, - ინფორმაციას ფინური მედია ავრცელებს.

ფინეთის შეიარაღებული ძალების ცნობით, შეზღუდვები კოტკასა და ჰამინას სანაპიროებთან საჰაერო და საზღვაო სივრცეებზე გავრცელდა.

ფინეთის გენშტაბის ინფორმაციით, შეზღუდვები პრევენციულ ხასიათს ატარებს და უკრაინის მიერ რუსეთში მდებარე ობიექტებზე დრონებით თავდასხმებს უკავშირდება.

მათივე განცხადებით, შეზღუდვების დაწესება აუცილებელია იმისთვის, რათა ფინეთის საჰაერო ძალებმა ქვეყნის საჰაერო სივრცეში შემთხვევით შეჭრილი დრონები სწრაფად და უსაფრთხოდ გაანეიტრალონ.