იაპონიაში მიწისძვრის შედეგად შენობები ჩამოინგრა და ელექტროენერგია გაითიშა - არიან დაშავებულები, - ამის შესახებ იაპონიის პრემიერ-მინისტრმა სანაე ტაკაიჩიმ განაცხადა.

სანაე ტაკაიჩის ცნობით, კუნძულ კიუ-შიუზე, კუმამოტოს პრეფექტურაში მომხდარი 7.1 მაგნიტუდის სიმძლავრის მიწისძვრის შედეგად დაშავებულების შესახებ ინფორმაცია ზუსტდება.

„უკვე მივიღეთ ცნობები, რომ არიან დაშავებულები. ზოგიერთ რაიონში ელექტრონერგია გაითიშა და ხანძარი გაჩნდა. ასევე, გზები და ხიდები დაზიანდა და შენობები ჩამოინგრა“, - განაცხადა იაპონიის პრემიერ-მინისტრმა.

იაპონიის კატასტროფების მართვის სააგენტოს ცნობით, 150 000-ზე მეტ ადამიანს ევაკუაციის ცენტრებში გადასვლისკენ მოუწოდეს.

კუნძულის ენერგოკომპანია Kyushu Electric Power-ის განცხადებით, 40 000 ოჯახი ელექტროენერგიის გარეშე დარჩა. ასევე, სარკინიგზო კომპანია JR Kyushu-მ მატარებლების მოძრაობა შეაჩერა, ხოლო კუმამოტოს აეროპორტში ფრენები გადაიდო ან გაუქმდა.