Patriot-ის ჰაერსაწინააღმდეგო რაკეტები სასწრაფოდ გვჭირდება, - ამის შესახებ უკრაინის პრეზიდენტმა ვოლოდიმირ ზელენსკიმ Axios-თან ინტერვიუში განაცხადა.

ვოლოდიმირ ზელენსკის განცხადებით, აშშ-ის პრეზიდენტ დონალდ ტრამპს უკრაინის ენერგეტიკული ინფრასტრუქტურის დასაცავად საგანგებო „ზამთრის პაკეტის“ გადაცემა სთხოვა, რომელიც Patriot-ის სისტემების ჰაერსაწინააღმდეგო რაკეტებს მოიცავს.

მისი თქმით, უკრაინას ზამთრისთვის 300 ჰაერსაწინააღმდეგო რაკეტა სჭირდება და დონალდ ტრამპი დახმარებას დაჰპირდა.

გამოცემასთან ინტერვიუში უკრაინის პრეზიდენტმა დონალდ ტრამპთან ურთიერთობის შესახებაც ისაუბრა.

„ჩვენი ურთიერთობები გაცილებით უკეთესი და კონსტრუქციულია. აღარ არის ისეთი ემოციური, როგორც ეს ადრე იყო“, - აღნიშნა ზელენსკიმ.