ისრაელის თავდაცვის ძალები - ღაზაში „ჰამასის“ იარაღის რამდენიმე საწყობს დავარტყით და გავანადგურეთ
ისრაელის თავდაცვის ძალებმა ცენტრალურ და ჩრდილოეთ ღაზაში „ჰამასის“ იარაღის რამდენიმე საწყობს დაარტყეს და გაანადგურეს, - ამის შესახებ აღნიშნულია განცხადებაში, რომელსაც ისრაელის თავდაცვის ძალები ავრცელებს.
„იარაღი განკუთვნილი იყო ისრაელის თავდაცვის ძალების ჯარისკაცებისა და ისრაელის მშვიდობიანი მოქალაქეების წინააღმდეგ გამოსაყენებლად და მისი განადგურება საფრთხის მოსაშორებლად მოხდა“, - აღნიშნულია განცხადებაში.
ისრაელის თავდაცვის ძალებში ამტკიცებენ, რომ იარაღის ერთ-ერთი საწყობი მეჩეთში იყო განთავსებული და რომ ეს ღაზაში ტერორისტული ორგანიზაციების მიერ სამოქალაქო ინფრასტრუქტურის სისტემატური ექსპლუატაციის კიდევ ერთი მაგალითია.
