ქობულეთი-ბათუმის გზაზე საწვავმზიდს ცეცხლი გაუჩნდა
ქობულეთი-ბათუმის შემოვლით ცენტრალურ საავტომობილო გზაზე, საწვავმზიდს ცეცხლი გაუჩნდა. ადგილობრივების ინფორმაციით, შემთხვევის შედეგად არავინ დაშავებულა.
ხანძარი ამ დროისათვის ლიკვიდირებულია.
ადგილზე შესაბამისი სამსახურების წარმომადგენლები იყვნენ მობილიზებული.
ცენტრალურ საავტომობილო გზაზე, სატრანსპორტო მოძრაობა აღდგენილია.
საქართველოს შინაგან საქმეთა სამინისტრომ, გამოძიება სისხლის სამართლის კოდექსის 187ე მუხლით დაიწყო, რაც გულისხმობს ნივთის დაზიანებას ან განადგურებას ჩადენილი ცეცხლის წაკიდებით.
