გორში, ცენტრალურ მოედანზე, ერთ-ერთ პაბ-რესტორანთან პოლიციაა მობილიზებული.

ყვითელი ლენტით არის შემოსაზღვრული რესტორნის შენობის პერიმეტრი.

ამ დროისთვის, დაზუსტებით უცნობია, კონკრეტულად რა მოხდა რესტორანში, თუმცა ადგილობრივ მედიაში ვრცელდება ცნობები, რომ მოხდა დაჭრის ფაქტი. "ქართლის ამბების" თანახმად, სავარაუდოდ, დაჭრილია რამდენიმე პირი. გავრცელებულ კადრებში ჩანს, სისხლის კვალიც. ადგილზე მყოფი "ქართლის ამბების" ჟურნალისტის თანახმად, დაჭრა სავარაუდოდ, ცივი იარაღით მოხდა.

ადგილზე პოლიცია კომენტარს არ აკეთებს.

"ინტერპრესნიუსი" დეტალებს შსს-ში არკვევს და ინფორმაციას დეტალების მიღებისთანავე განახლდება.