არსებული ინფორმაციით, გორში, პაბ-რესტორანში, სავარაუდოდ, 2 პირია დაჭრილი - დაშავებულები კლინიკაში გადაიყვანეს
ცოტა ხნის წინ გორის ცენტრში მომხდარი ჩხუბის შედეგად, სულ მცირე ორმა პირმა სხეულის სხვადასხვა ხარისხის დაზიანება მიიღო.
შემთხვევა სტალინის ქუჩაზე ,,პაბ რესტორნის" წინ მოხდა.
თვითმხილველთა ინფორმაციით, რამდენიმე პირს შორის რესტორანში დაწყებული ურთიერთშელაპარაკება ჩხუბში გადაიზარდა, რა დროსაც, სავარაუდოდ, ორმა პირმა სხეულის სხვადასხვა ხარისხის დაზიანება მიიღო.
დაშავებულები კლინიკაში გადაიყვანეს.
"ინტერპრესნიუსი" დეტალებს შსს-ში არკვევს.
