შეერთებული შტატები ყოველდღიურად ახალი დანაშაულით იბინძურებს ხელებს, - ამის შესახებ ირანის პარლამენტის სპიკერი მოჰამედ ბაღერ ღალიბაფი სოციალურ ქსელში გამოქვეყნებულ პოსტში წერს.

ქეშმის კუნძულზე მშვიდობიანი მოსახლეობის საცხოვრებელ სახლებზე ტერორისტული თავდასხმა მინაბსა და ლამერდში ჩადენილი სისასტიკის გაგრძელებაა.

„ამერიკელები მიეჩვივნენ, რომ ბრძოლის ველზე მიღებული დარტყმების სანაცვლოდ უდანაშაულოთა სისხლი დაღვარონ. ამისთვის ისინი ფასს გადაიხდიან“, - აცხადებს ირანის პარლამენტის სპიკერი.