შვეიცარიის ე.წ. მოქნილი ნეიტრალიტეტი ზუსტად იმ მიმართულებით იხრება, საითაც მისთვის ხელსაყრელია, - ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა.

მისი თქმით, 1940-იან წლებში შვეიცარია ჰიტლერული გერმანიისკენ იხრებოდა, ახლა კი - კიევისა და ბრიუსელისკენ იხრება.

ზახაროვას მტკიცებით, შვეიცარიის მთავრობა ნეიტრალიტეტის ეროვნულ კანონმდებლობაში დამკვიდრებას ეწინააღმდეგება, რადგან არ სურს მისი დაცვა სავალდებულო გახდეს.

„ქვეყნის ხელისუფლება, რომელიც ოთხი საუკუნის განმავლობაში ნეიტრალიტეტის პრინციპზე აგებდა საკუთარ სახელმწიფოებრიობას და ამავე დროშის ქვეშ ქმნიდა თავის კეთილდღეობას, ახლა მოქალაქეებს არწმუნებს, რომ ამ პრინციპის კონსტიტუციაში ასახვა არ შეიძლება, რადგან ასეთ შემთხვევაში მისი დაცვა სავალდებულო გახდება, სწორედ ამიტომ ეწინააღმდეგება ფედერალური საბჭო ასე ჯიუტად კონსტიტუციურ ცვლილებას“, - აღნიშნა ზახაროვამ.