ეზიდები დღეს „ჩლე ჰავინეს", ზაფხულის ორმოცდღიანი მარხვის დასრულებას ზეიმობენ.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

ამასთან, სააგენტო საქართველოს ეზიდ თემს მარხვის დასრულებას ულოცავს.

„უმაღლესი სასულიერო პირები და ის ეზიდები, რომლებიც ასკეტურ ცხოვრებას მისდევენ, წელიწადში ორჯერ (ზამთარსა და ზაფხულში) ორმოცდღიან მარხვას იცავენ, რაც ასტრალურ კულტებს უკავშირდება“, - ნათქვამია ინფორმაციაში.