ირანის საგარეო საქმეთა მინისტრმა აბას არაღჩიმ „მაღალი დონის სატელეფონო საუბრების სერია“ გამართა საუდის არაბეთის საგარეო საქმეთა მინისტრთან, პრინც ფაისალ ბინ ფარან ალ-საუდთან და პაკისტანის არმიის სარდალთან, ასიმ მუნირთან, - ინფორმაციას CNN-ი ირანულ მედიაზე დაყრდნობით ავრცელებს.

მათივე ინფორმაციით, ეს არაღჩის დიპლომატიური სატელეფონო ზარების მეორე რაუნდი იყო 24 საათის განმავლობაში. მხარეებმა განიხილეს არსებული სიტუაცია და რეგიონში უსაფრთხოებისა და სტაბილურობის დამყარება.

ამასთან, არაღჩიმ შაბათსაც გამართა სატელეფონო საუბრები თურქეთის საგარეო საქმეთა მინისტრ ჰაკან ფიდანთან და პაკისტანის არმიის სარდალ ასიმ მუნირთან. ამ საუბრების დროს მან განაცხადა, რომ შეერთებული შტატების მხრიდან ნებისმიერი „ავანტიურისტული ქმედების“ შემთხვევაში ირანი საპასუხო ზომებს მიიღებს.