საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის 2026 წლის მესამე სხდომა გაიმართა. ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, კომისიას განსახილველად წარედგინა 35 საკითხი.

„საქართველოს მართლმადიდებელი ეკლესიის მიერ წარდგენილი 32 საკითხიდან დადებითად გადაწყდა 26, უარი ეთქვა 2 საკითხზე; ხარვეზი დადგინდა 4 საკითხზე. კათოლიკების „კამილიელების“ მიერ წარდგენილი 1 საკითხი დადებითად გადაწყდა; სახარების რწმენის ეკლესიის მიერ წარდგენილი 1 საკითხი დადებითად გადაწყდა; მუსლიმთა სამმართველოს მიერ წარდგენილი 1 საკითხზე დადგინდა ხარვეზი.

კომისიის სხდომას ესწრებოდა სრულიად საქართველოს კათოლიკოს-პატრიარქის მდივანი, დეკანოზი მიქაელ ბოტკოველი და თბილისის მერიის ქონების მართვის სააგენტოს წარმომადგენელი სოფიო დოღონაძე“, - აღნიშნულია ინფორმაციაში.