მოსკოვის ოლქში დრონებით განხორციელებული თავდასხმის შედეგად ხუთი ადამიანი დაიღუპა, - რუსული მედიის ინფორმაციით, ამის შესახებ გუბერნატორმა ანდრეი ვორობიოვმა განაცხადა.

„დღეს დილით, მოსკოვის ოლქში საჰაერო თავდაცვის ძალებმა დრონით თავდასხმა მოიგერიეს. ნოვოსიოლსკის სამრეწველო ზონაში დრონით თავდასხმის შედეგად რამდენიმე ხანძარი გაჩნდა. ყველაზე დიდი საწყობში იყო. წინასწარი ინფორმაციით, ხუთი ადამიანი დაიღუპა და ექვსი დაშავდა“, - დაწერა გუბერნატორმა Telegram-ზე.

მისი თქმით, თავდასხმის შედეგად დაზიანდა ელექტროქვესადგური და ადმინისტრაციული შენობა. ამასთან, დრონის ნამსხვრევებმა სოფელ სოლნიშკოვოში კერძო სახლი და ავტომობილიც დააზიანა.