აშშ-სა და ირანს შორის პირდაპირი მოლაპარაკებები დაგეგმილი არ არის, - ამის შესახებ კატარის საგარეო საქმეთა სამინისტროს პრესსპიკერმა, მაჯედ ალ-ანსარიმ განაცხადა.

„შეგვიძლია დავადასტუროთ, რომ დიპლომატიური ძალისხმევა გრძელდება. ჩვენ დიპლომატიურ გადაწყვეტას ვეძებთ“, - განაცხადა კატარის საგარეო უწყების პრესსპიკერმა.

მისი თქმით, შუამავლების მეშვეობით მიმდინარე დიპლომატიურ პროცესში მთავარი აქცენტი ვითარების დეესკალაციისა და ჰორმუზის სრუტის გახსნის საკითხებზე კეთდება.

ცნობისთვის, აშშ-ის პრეზიდენტის დონალდ ტრამპის განცხადებით, ირანს შეთანხმების გასაფორმებლად ბოლო შანსი აქვს.

„ეს მათთვის ბოლო შანსია, რომ ხელი კარგ დოკუმენტს მოაწერონ. მოლაპარაკებები სწრაფად წარიმართება, ასე თუ ისე“, - აღნიშნა დონალდ ტრამპმა.