პოლონურმა გამანადგურებლებმა გზა კიდევ ერთ რუსულ სადაზვერვო თვითმფრინავს გადაუჭრეს, - ინფორმაციას პოლონეთის თავდაცვის მინისტრი ვლადისლავ კოსინიაკ-კამიში ავრცელებს.

პოლონეთის თავდაცვის მინისტრის ცნობით, ეს ბოლო ორი დღის განმავლობაში მეორე შემთხვევაა.

პოლონურმა ავიაგამანადგურებლებმა რუსულ სადაზვერვო თვითმფრინავ „ილ-20“-ს გზა ქალაქ კოშალინიდან 56 კილომეტრში გადაუჭრეს.

„რუსეთი ნატო-ს წევრის საზღვრებთან კიდევ ერთხელ ახორციელებს პროვოკაციულ ქმედებებს, რითაც ალიანსის თავდაცვის სისტემების სიფხიზლესა და მზადყოფნას ცდის“, - აცხადებს პოლონეთის თავდაცვის მინისტრი.