რელიგიის საკითხთა სახელმწიფო სააგენტოს ცნობით, შიიტი მუსლიმები ალ-არბანის დღეს აღნიშნავენ, რასთან დაკავშირებითაც სამგლოვიარო ცერემონიებს ატარებენ, იხსენებენ იმამ ჰუსეინს და მის თანამოაზრეებს, კითხულობენ მათი სულების მოსახსენიებელ ლოცვებს.

„დღეს შიიტი მუსლიმები აღნიშნავენ იმამ ჰუსეინ იბნ ალის (მეოთხე ხალიფა ალის შვილი, წინასწარმეტყველ მუჰამადის შვილიშვილი) და მისი თანამოაზრეების, 680 წელს (ჰიჯრის 61 წელი) ტრაგიკული გარდაცვალების დღიდან მეორმოცე დღეს (ალ-არბაინს).

„ალ-არბაინთან“ დაკავშირებით შიიტი მუსლიმები ატარებენ სამგლოვიარო ცერემონიებს, იხსენებენ იმამ ჰუსეინს და მის თანამოაზრეებს, კითხულობენ მათი სულების მოსახსენიებელ ლოცვებს“, - აღნიშნულია ინფორმაციაში.