დონალდ ტრამპის განცხადებების მიუხედავად, აშშ უკრაინასთან Patriot-ის რაკეტების წარმოებისთვის ლიცენზიის გაცემის შესახებ მოლაპარაკებებს აგრძელებს, - ინფორმაციას Reuters-ი ავრცელებს.

გამოცემის ინფორმაციით, მოლაპარაკებების ფარგლებში განიხილება ვარიანტი, რომლითაც უკრაინა რაკეტების კომპონენტების წარმოებას შეძლებს, ხოლო მათი საბოლოოდ აწყობა ევროპის რომელიმე სხვა ქვეყანაში მოხდება.

წყაროების თქმით, შესაძლოა, ლიცენზიის ფარგლებში რაკეტების საბოლოოდ აწყობა გერმანიაში მოხდეს.

„მოლაპარაკებების შეჩერების ბრძანება არ გაცემულა“, - აღნიშნა ერთ-ერთმა წყარომ.

შეგახსენებთ, აშშ-ის პრეზიდენტმა დონალდ ტრამპმა ივლისში, ანკარაში უკრაინის პრეზიდენტ ვოლოდიმირ ზელენსკისთან შეხვედრისას განაცხადა, რომ აშშ უკრაინას Patriot-ის რაკეტების წარმოების ლიცენზიას გადასცემდა.

დონალდ ტრამპმა მსგავსი შეთანხმება გასულ კვირას ეჭვქვეშ დააყენა. ტრამპმა ჟურნალისტებს განუცხადა, რომ ვოლოდიმირ ზელენსკისთან Patriot-ის რაკეტების წარმოების ლიცენზიის გადაცემის შესახებ არ შეთანხმებულა.