პარტნიორებისგან ანტიბალისტიკური საშუალებებისა და საჰაერო თავდაცვის რაკეტების მიწოდება 2025 წელთან შედარებით სამჯერ შემცირდა, - ამის შესახებ უკრაინის პრეზიდენტი ვოლოდიმირ ზელენსკი X-ზე წერს.

„სამწუხაროდ, პარტნიორებისგან ანტიბალისტიკური საშუალებების მოწოდება წელს მნიშვნელოვნად შემცირდა. საჰაერო თავდაცვის მოწოდებული რაკეტების რაოდენობა 2025 წელთან შედარებით სამჯერ შემცირდა. ეს ეხება არა მხოლოდ ამ ზაფხულის პერიოდს, არამედ 2026 წლის პირველი ნახევრის ყველა ეტაპს. ჩვენს პარტნიორებს რაკეტები ნამდვილად აქვთ. მნიშვნელოვანია, რომ მომარაგებისა და წარმოების პროცესების დაჩქარების შესახებ საბოლოოდ მიიღონ აუცილებელი პოლიტიკური გადაწყვეტილებები, მათ შორის წარმოების უკრაინაში ლოკალიზების შესახებ“, - წერს ვოლოდიმირ ზელენსკი.

მისივე თქმით, რუსეთის ნავთობის ობიექტებისა და ნავთობგადამამუშავებელი საწარმოების წინააღმდეგ მიმართული ოპერაციები გრძელდება.

„ომის გაჭიანურების ფასი აგრესორისთვის კვლავ გაიზრდება. მნიშვნელოვანია, რომ ჩვენი პარტნიორების მიერ რუსეთისთვის დაწესებულმა სანქციებმა გაამყაროს ჩვენი შორ მანძილზე მოქმედი საშუალებების ეფექტი. ამას გადაწყვეტილებების მიმღებ ქვეყნებთან განვიხილავთ“, - განაცხადა უკრაინის პრეზიდენტმა.