თბილისის საქალაქო სასამართლოში „ძლიერი საქართველო - ლელოს“ ერთ-ერთი ლიდერის, მსჯავრდებულ ალეკო ელისაშვილის რიგით მეოთხე სისხლის სამართლის საქმეზე სასამართლო პროცესი მიმდინარეობს.

დღევანდელ პროცესზე წინასასამართლო სხდომის თარიღი განისაზღვრება.

ამჯერად, პოლიტიკოსს ბრალი სასამართლო სხდომაზე, მოწმის სახით დაკითხვისას პოლიციელისთვის, შოთა ჭიპაშვილის მისამართით ნათქვამი სიტყვის - „არაკაცის“ გამო წაუყენეს.

ცნობისთვის, ალეკო ელისაშვილის წინააღმდეგ საერთო ჯამში, სისხლის სამართლის 4 საქმეა წარმოებული, საიდანაც ერთზე, რომელიც ტერორისტული აქტის მცდელობას გულისხმობს, მსჯავრდებულია და 13 წლით თავისუფლების აღკვეთა აქვს მისჯილი. ამასთან, მას ბრალი აქვს წარდგენილი ტერორისტული აქტის განხორციელებისთვის, რომელიც სასამართლოს არქივის შენობაში ხანძრის გაჩენას გულისხმობს. პოლიტიკოსს ბრალი ასევე წარდგენილი აქვს სასამართლოს უპატივცემლობის ფაქტზეც, რაც პოლიციელ შოთა ჭიპაშვილის მისამართით ნათქვამ სიტყვა „არაკაცის“ წოდებას მოიცავს. ელისაშვილი ასევე ბრალდებულია პარტია „ქართული ოცნება - დემოკრატიული საქართველოს“ ერთ-ერთი დამფუძნებლის, ალი ბაბაევის პოლიტიკური ნიშნით დევნაზეც.