რუსეთი ტერორისტული სახელმწიფოა. კიევმა მშვიდობიან მოსახლეობაზე რუსული დრონებისა და რაკეტების თავდასხმის კიდევ ერთი ღამე გადაიტანა, - ამის შესახებ ლიეტუვის საგარეო საქმეთა მინისტრი, კესტუტის ბუდრისი სოციალურ ქსელში წერს.

„სულ მცირე 17 ადამიანი დაიღუპა და 44 დაშავდა. ნამდვილი ტერორი. უკრაინას ახლავე სჭირდება მეტი საჰაერო თავდაცვა. ყოველი მოგერიებული რაკეტა სიცოცხლის გადარჩენას ნიშნავს“, - წერს ლიეტუვის საგარეო საქმეთა მინისტრი.

მისი თქმით, აუცილებელია რუსეთზე ზეწოლის გაზრდა.

„ერთადერთი ენა, რომელიც კრემლს ესმის, ძალაა. მსოფლიომ უნდა გაზარდოს ზეწოლა რუსეთზე და აიძულოს ის მოლაპარაკებების მაგიდასთან დაჯდეს“, - აცხადებს ლიეტუვის საგარეო საქმეთა მინისტრი.